Сенат ОСК мүшесі Бақыт Мелдешовтің өкілеттігін тоқтатты

Бақыт Мелдешовтің конституциялық өкілеттік мерзімі аяқталды

фото: lada.kz

Бүгін Сенаттың жалпы отырысында Бақыт Мелдешов Орталық сайлау комиссиясының мүшесі қызметінен босатылды. Палата депутаттары Сенат комитетінің ұсынысын бірауыздан қолдады. Сенат төрағасы Дариға Назарбаева Б. Мелдешовтің болашақ қызметіне сәттілік тіледі.

«Еліміздің сайлау жүйесінің қалыптасуына зор еңбек сіңірген Бақыт Сәрсенбайұлына ризашылық білдіреміз және болашақ қызметінде толағай табыстар тілейміз», - деді Дариға Назарбаева.

Естеріңізге сала кетейік, бұған дейін Сенаттың Конституциялық заңнама, сот жүйесі және құқық қорғау органдары комитеті палатаға Орталық сайлау комиссиясының мүшесі Бақыт Мелдешовті қызметінен босатуды ұсынған болатын.

Мақалада

#ҚР Парламенті #ауыс-түйіс #Орталық сайлау комиссиясы #Бақыт Мелдешов

Алдыңғы жаңалық

12 наурызға арналған ауа райы болжамы