Атырауда ірі көлемде есірткі сақтаған азамат ұсталды

Атыраулық полицейлер ірі көлемде есірткі сақтаған ШҚО тұрғынын анықтады, деп хабарлайды Azattyq Rýhy.

Атырау облысы ПД Есірткі қылмысына қарсы іс-қимыл басқармасының қызметкерлері жедел іздестіру шаралары кезінде Атырау қаласы аумағында синтетикалық есірткіні жасырын тығумен айналысып жүрген ШҚО-ның 1990 жылы туған тұрғынын анықтаған.

Тергеу жұмыстары нәтижесінде 86,9 гр альфа-PVP және 207,91 гр мефедрон анықталып, медициналық сараптама қорытындысымен ірі көлемдегі синтетикалық есірткі екендігі белгілі болды.

ҚР Қылмыстық кодексінің 297-бабы 3-бөлігімен сотқа дейінгі тергеп- тексеру жүргізілуде, өзге ақпарат ҚПК-нің 201-бабына сәйкес жариялануға жатпайды.