Президентке елорданы көгалдандыру және абаттандыру жоспары таныстырылды

Мемлекет басшысы елорданы абаттандыру ісіне баса назар аударатынын айтты

t.me/aqorda_resmi

Астана қаласының әкімі Жеңіс Қасымбек Президентке елорданы көгалдандыру және абаттандыру жоспарын таныстырды, деп хабарлайды Azattyq Rýhy Ақорданың баспасөз қызметіне сілтеме жасап.

Астана әкімінің айтуынша, биыл қала аумағында 1 миллионнан астам жасыл желек, атап айтқанда түрлі ағаш көшеттері мен көпжылдық гүлдер отырғызу жоспарланып отыр.

Сондай-ақ Есіл өзені бойындағы рекреация аймақтарына және саябақтарға жөндеу жұмыстары жүргізіледі.

Мемлекет басшысы қала тұрғындарының демалысына қолайлы жағдай жасау маңызды екенін атап өтіп, елорданы абаттандыру ісіне баса назар аударатынын айтты.

Мақалада

#Астана #абаттандыру #Мемлекет басшысы #көгалдандыру

Алдыңғы жаңалық

Мемлекет басшысы қалалық сенбілікке қатысты