Елорда күні: қазақстандықтарды ұзақ демалыс күтіп тұр

ҚР Үкіметі елорда күніне орай демалыс күнін ауыстыру туралы қаулы қабылдады, деп хабарлайды Azattyq Ruhy.

Үкіметтің баспасөз қызметі хабарлағандай, жұмыс уақытын ұтымды пайдалану мақсатында 2023 жылғы 1 шілде, сенбідегі демалыс күні 7 шілдеге, жұма күніне ауыстырылды.

ҚР Үкіметі тиісті Қаулы қабылдады.

«Осылайша, бес күндік жұмыс аптасында қазақстандықтар 2023 жылы Астана күніне 6, 7, 8 және 9 шілдеде, яғни төрт күн қатарынан демалады. Сенбі, 1 шілде жұмыс күні болады», - делінген хабарламада.

Демалыс күнін ауыстыру жұмыс істейтін қазақстандықтар үшін мереке күндері уақыттарын алдын ала жоспарлауға мүмкіндік береді.