Бразилияда қарақшыларды ұстау операциясы кезінде 7 адам қаза тапты
Күдіктілер әскери полиция бөлімшесіне шабуыл жасаған
Бразилияның Гояс штатында әскери полиция мен күдікті қарақшылар тобы арасындағы атыс кезінде жеті адам қаза тапты, деп хабарлайды Azattyq Ruhy.
G1 порталының жазуынша, әскери полицияның бөлімшесіне шабуыл жасады деген күдіктілерді іздеу операциясының соңы Федералдық округ аймағындағы Ново Гама қаласында атыспен аяқталды.
«Ведомство мәліметінше, қылмыстық топтың мүшесі болуы мүмкін делінген жеті адам өлтірілді», - делінген хабарламада.
Тәртіп сақшыларының БАҚ өкілдеріне хабарлауынша, жергілікті тасжолдағы ақы төлеу пункті тоналғаннан кейін ұйымдастырылған рейд кезінде полицияға шабуыл жасалған. Атыс кезінде жеті шабуылдаушының көзі жойылды, қалғандары оқиға орнынан қашып кетті.
Қылмыс орнында 11 атыс қаруы, сондай-ақ ұрланған сейфті жару үшін қолданылуы мүмкін жарылғыш заттар, қарақшылар пайдаланған бетперде, қолғап және төрт автокөлік тәркіленді.
