Үйім жоқ, бала-шағаммен мешіттің ішінде тұрамын – Нұрлан имам

Заманауи бағытта уағыздарымен көптің жүрегін жаулаған имам Нұрлан Байжігітұлы үйі жоғын ашық айтты, деп хабарлайды Azattyq Ruhy.

Caravan.kz мәліметіне жүгінсек, имамға үй ұсынғандар да болған көрінеді.

Нұрлан Байжігітұлы - көпбалалы әке. Бүгінгі таңда 7 баланы тәрбиелеп отыр. Журналистің бала-шағаны қалай асырап жатырсыз деген сауалына имам былай деп жауап берді.

«Ел бар, халық бар. Үйім жоқ. Бала-шағаммен мешіттің ішінде тұрамын. Балаларым қоғамдық көлікпен қатынап оқиды. Үй беремін дегендер болды. Оны қабыл алмадым. Себебі, оның ар жағында мүдде бар. Мен жобаның бірі болғым келмейді»,-  деп жауап берді имам Нұрлан Байжігітұлы.