Ақтөбе облысында екі жүк көлігі соқтығысып, біреуі жанып кетті

Жол апатынан бір жүргізуші оқиға орнында қайтыс болды

фото: polisia.kz

Ақтөбе облысында екі жүк көлігі соқтығысып, біреуі жанып кетті, деп хабарлайды Azattyq Rýhy Polisia.kz-ке сілтеме жасап.

Самара-Шымкент автожолының 1001 шақырымында Mercedes және Volvo екі жүк көлігі соқтығысқан.

«Салдарынан Mercedes автокөлігі өртеніп, оның жүргізушісі аудандық ауруханаға жатқызылды. Volvo автокөлігінің жүргізушісі оқиға орнында қайтыс болды»,- деді Әйтеке би ауданы ПБ бастығының бірінші орынбасары Мадияр Әкентай.

Жол-көлік оқиғасы фактісіне қатысты тергеу жүргізіліп жатыр.

Мақалада

#жол апаты

Алдыңғы жаңалық

Маңғыстау облысында мұнай саласына жұмысқа орналастыруды талап еткендер жолды жауып тастады