Отандастарымыз саяси процеске үлкен ынтамен қатысып жатыр – Асхат Оралов

Мәдениет және спорт министрі Асхат Оралов Мәжілісі және барлық деңгейдегі мәслихаттар депутаттарының кезектен тыс сайлауында өз дауысын берді, деп хабарлайды Azattyq Ruhy.

Ол сайлауда дауыс беру үшін Астанадағы № 130 сайлау учаскесіне барды.

«Бүгінгі сайлауда дауыс беріп, азаматтық борышымды өтедім. № 130 сайлау учаскесінде белсенділік өте жоғары, бұл отандастарымыздың саяси процеске үлкен ынтамен қатысып жатқанын көрсетеді және бұл қуанарлық жағдай. Қазақстандықтарды белсенді азаматтық ұстанымын көрсетіп, өз таңдауын жасауға шақырамын», - деді Асхат Оралов өзінің Facebook парақшасындағы постында.