«Аңсаған сәби»: Ұлытауда квота саны 2 есеге артты

Ұлытауда «Аңсаған сәби» бағдарламасы бойынша жасанды ұрықтандыруға бөлінген жолдама саны 2 есеге артты. Биыл аймаққа 111 квота берілді, деп хабарлайды Azattyq Rýhy Хабар 24 арнасына сілтеме жасап.

«Сәби сүйгісі келетіндер алдымен репродуктологпен кеңесу керек», дейді мамандар. Алайда облыста мұндай маман жоқ. Ерлі-зайыптылар жасанды ұрықтандыруға қажетті анализді басқа облыстарда тапсырады.  Жалпы биыл өңірде 165 әйел квота кезегінде тұр. Өткен жылы 60-тан аса әйелге, тегін жолдама берілген. Олардың жартысы өмірге сәби әкелді.

 «1-орында келіншектер міндетті мемлекеттік әлеуметтік сақтандыру қорында тіркелуі керек. 18 бен 42 жас аралығындағы  әйелдерді алып жатырмыз. Оның ішінде ол әйелдерде психикалық-соматикалық аурулар болмау керек. Сау болуы керек. Эндокриндік, қатерлі ісіктер онкологиялық аурулар болмауы керек. Бедеулігі бар жұптарды ЭКО жасатуға шақырамыз. Мысалы, осы жылы сәтсіз аяқталғанның өзінде келесі жылы ол кісі қайтадан квотаға тіркеледі», - деді ана мен баланы қорғау қызметінің басшысы Махаббат Ерденова.