Маңғыстау облысында кандидаттар еңбек ұжымымен кездесті

Бүгін облыстық мәслихат депутаттығына үміткерлер Нұрбол Оқуов, Жұлдыз Мұхамбетқалиқызы, Дмитрий Донских, Тимур Әбдікәрімов, Жанболат Тангиев, Анар Шамшадинова және Республикалық сайлауалды штабының мүшесі Аралбай Ардан Сұлтанұлы «Ақтау теңіз сауда порты» ұжымымен кездесіп, үгіт-насихат жұмысын жүргізді, деп хабарлайды Azattyq Ruhy.

Кандидаттар алда келе жатқан сайлаудың маңыздылығын жан-жақты түсіндіре отырып, қатысушыларды азаматтық белсенділік танытуға шақырды. Арнайы экономикалық аймақ саналатын мекеме ұжымымен кездесті.

«AMANAT» партиясы Маңғыстау облыстық филиалының алдағы 5 жылға арналған сайлауалды бағдарламасында құндылықтар, басымдықтар, принциптерге баса назар аударылған. Әрбір тұрғынның әл-ауқатын арттыру бойынша нақты істерді орындау көзделген. Нәтижесінде инженерлік-коммуникациялық, тұрғын үй және жол инфрақұрылымдарының өзекті мәселелері шешіледі, медициналық қызмет көрсету, білім беру және басқа да салалардың сапасы жақсарады деп күтілуде», - деп Нұрбол Оқуов партияның сайлауалды бағдарламасын түсіндірді.

Ақтау порты – Каспий теңізінің оңтүстік-шығыс жағасындағы халықаралық жүк тасымалы жүйесінде аса маңызды орын алатын республикалық мемлекеттік кәсіпорын. 

Бүгінде Ақтау халықаралық теңіз сауда порты – шығыстан батысқа, солтүстіктен оңтүстікке және кері қарай жылына 12 ай және тәулігіне 24 сағат жүк тасымалын қамтамасыз ететін заманауи көп мақсатты терминал. Оның бірнеше көліктік дәліздің қиылысында орналасуы мемлекеттің дауында стратегиялық маңызға ие.

Маңғыстау облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді