Ақтауда аурухананың екінші қабатынан 54 жастағы пациент құлап кетті

Ақтауда аурухананың екінші қабатынан 54 жастағы пациент құлап кетті, деп хабарлайды Azattyq Rýhy ҚазАқпаратқа сілтеме жасап.

Облыстық көпбейінді аурухананың 2-қабатынан құлаған 54 жастағы бейнеулік 6 наурыз күні травмотология бөліміне түскен.

Дәрігерлер тексерген кезде сол жақ шынтағының шыққанын анықтап, салып береді.

Ал жоспарлы ота бүгінге, яғни 10 наурызға қойылған. Алайда науқас таңертеңгі 07:15-те травмотология бөлімінің терезесін сындырып, 2-қабаттан құлап түседі.

Науқастың оң жамбас сүйегі сынып, қазір реанимацияда жатыр. Жағдайы - тұрақты ауыр.

Ал ертең сол шынтағы мен оң жамбасына операция жасалады деп жоспарланған.

«Есін біледі, сұрақтарға жауап береді. Бірақ науқас құлауының себебін айтпайды. Қазір жалпы жансақтау бөлімінде жатыр. Ол 3-4 метр биіктіктен құлаған. Кезекші травмотолог, реаниматолог, қосымша дәрігерлер дер кезінде көмек көрсеткен», - дейді Маңғыстау облыстық көпбейінді ауруханасының травмотология бөлімінің меңгерушісі Есет Шахатбаев.