Алматы облыстық мәслихатына үміткерлер қоғамдық қабылдау өткізді

Бүгін «AMANAT» партиясының Алматы облыстық мәслихатының депутаттығына үміткерлер Сұлтан Нұрдаулетов, Даулет Жараспаев, Бағдаулет Устенов және Қонаев қалалық маслихатына үміткерлер Сауле Нұрсолтанова, Жандарбек Мусин, «Алға» базарында халықтан ұсыныс-тілектер жинау мақсатында қабылдау өткізді, деп хабарлайды Azattyq Ruhy.

Қала тұрғындарымен кездесу барысында сайлауалды бағдарламаны жіті түсіндіріп, «AMANAT» партиясының 2023-2027 жылдарға арналған бағдарламасымен толық таныстырып өтіп, тілдесіп, олардың мұң-мұқтажын, толғандырған мәселелерін тыңдап, ұсыныс-тілектерін жинақтады.

Бағдарлама халықтың өмір сүру сапасын арттыруға басымдық береді. Әрбір адамға тең мүмкіндіктер қарастырып отырғаны жайында айтылды. 

«Құжат халықтың өмір сүру сапасын арттыруға басымдық береді. Әрбір адамға тең мүмкіндіктер қарастырып отыр. Барысында қоғамда жұмыссыздық деңгейі төмендетіледі. Жастарды қолдауға, туризм, ауыл шаруашылығы, білім беру және медицина жүйелерін дамытуға, инфрақұрылымға инвестициялау және қолайлы экологиялық орта құруға күш салынады. Мәселен, алдағы 5 жылда облыста 175 мың жұмыс орны ашылады. Нәтижесінде 140,3 мың адам тұрақты қызметке орналасады. Орташа жалақы көлемі 268,3 мың теңгеден 397,7 мың теңгеге дейін ұлғайтылмақ», − Даулет Жараспаев.

Сонымен қатар, қабылдау барысында тұрындар медицина, жалақыны көтеру, оның ішінде кіші қызметкерлердің жалақысын көтеру және несиені төлей алмаған адамдар үшін банкроттық жариялау жөніндегі мәселелер көтерілген болатын.

Барлық қойылған сұрақтарға тиісті түсініктемелер берілді.

Алматы облысы мәслихатының депутаттарын сайлауда партиялық тізімді ұсынған «AMANAT» партиясының сайлау қорының қаражатынан төленді