Ауа райына байланысты 3 облыста жол жабылды

Бұл туралы республикалық маңызы бар автомобиль жолдарының ұлттық операторы хабарлады

фото: «ҚазАвтоЖол» ҰҚ АҚ

Еліміздің 3 өңірінде ауа-райының қолайсыздығына байланысты республикалық маңызы бар автожолдарда қозғалыс уақытша шектелді, деп хабарлайды Azattyq Rýhy.

Абай өңірінде «Алматы-Өскемен» тасжолының Қалбатау ауылынан ШҚО шекарасына дейінгі аралығында көліктің барлық түрі үшін қозғалысқа шектеу енгізілді;

Шығыс Қазақстан облысында «Алматы-Өскемен» тасжолының Абай облысының шекарасынан Қасым Қайсенов кентіне дейінгі аралығында жол қозғалысына шектеу енгізілді.

Қарағанды облысында «Екатеринбург-Алматы» тасжолының Жұмабек ауылынан Балқаш қаласына дейінгі аралығында жүк және қоғамдық көліктердің қозғалысы шектелді.

Мақалада

#жол жабық

Алдыңғы жаңалық

Маңғыстау облысында кандидаттар алдағы бес жылдағы өңірді дамытуға арналған жоспарымен бөлісті