Венециядағы арналар су деңгейінің төмендігіне байланысты құрғап қалды

Венеция каналдарындағы су деңгейі қалыпты жағдаймен салыстырғанда жарты метрге төмендеді. Бұл туралы Reuters хабарлады.

Қазіргі жағдайға байланысты гондолалар, су таксилері және төтенше жағдай қайықтары кейбір арналар арқылы жүре алмайды.

Әдетте қала су тасқынынан зардап шегеді, бірақ қазір жаңбырдың болмауы, жоғары атмосфералық қысым және төмен толқын сияқты факторлардың жиынтығы су деңгейінің төмендеуіне және каналдардың толығымен кебуіне әкелді.

Бұл Италияның солтүстігінде биыл болатын құрғақшылықтың жаршысы болуы мүмкін. Қазірдің өзінде ғалымдар биылғы қыста Альпіде қар жеткіліксіз жауғанын, ал аймақтағы ең үлкен өзеннің су мөлшері қажет болғаннан 61% аз екенін атап өтті.