Коронавирус жұқтырғандар саны 85 мыңнан асады
Әлем бойынша COVID-19 коронавирусын жұқтыру жағдайының тіркелген саны 85 182 адамға жетті, деп хабарлайды Azattyq Rýhy тілшісі gisanddata сайтына сілтеме жасап.
Орталық сайтында жарияланған статистикаға сәйкес, COVID-19 коронавирус пневмониясынан көз жұмғандар саны 2 924 адамға жеткен. Оның 2 727-сі – Қытайда. Ал вирустан сауыққандардың жалпы саны – 39 534 адам.
Естеріңізге сала кетсек, Дүниежүзілік денсаулық сақтау ұйымының Бас директоры Тедрос Аданом Гебрейесус ұйымның коронавирустың таралу қаупіне берілетін бағаны «аса жоғары» деп көтергенін мәлімдеген еді.