Арыстанбек Мұхамедиұлы тағы екі ай қамауда болады

Бұрынғы Мәдениет және спорт министрі Арыстанбек Мұхамедиұлының қамаудағы мерзімі ұзартылды, деп хабарлайды Azattyq Ruhy Астана қалалық сотының баспасөз қызметіне сілтеме жасап.

«2023 жылдың 13 ақпанында Астана қаласының мамандандырылған ауданаралық тергеу соты күдікті А. Мұхамедиұлының қамауда ұстау мерзімін екі айға ұзартты», - делінген хабарламада.

Еске сала кетейік, 2022 жылдың тамызында Сыбайлас жемқорлыққа қарсы қызмет Мәдениет министрлігінің бұрынғы басшысы, Ұлттық музейдің директоры Арыстанбек Мұхамедиұлына және басқа да тұлғаларға аса ірі көлемде бюджет қаражатын жымқыру және құқықбұзушылық фактілері бойынша тергеу басталғанын хабарлаған болатын. Ол 2022 жылдың мамыр айынан бері қамауда отыр.