Ерлан Қошанов: «AMANAT» партиясының құрамы 75%-ға жаңартылды

Бұл еліміздің барлық мәслихаттарына ұсынған 4 мыңға жуық адам. Бұл туралы Партия Төрағасы Ерлан Қошанов «AMANAT» партиясының кезектен тыс XXV съезінде айтты, деп хабарлайды Azattyq Ruhy.

«Олардың үштен бірі – әйелдер. Біздің әрбір бесінші үміткеріміз – жас ұрпақтың өкілі. Бұл Мемлекет басшысының реформалары мен партия бағытын жүзеге асыруға қабілетті жарқын көшбасшылардың жаңа лебі. Біз әлемге басқалардың көзімен қарауды білеміз. Бір көшбасшы партиясынан біз көшбасшылар партиясына айналдық», - деді Ерлан Қошанов.

Бүгінде «AMANAT-тың 800 мыңнан аса мүшесі бар. Партияның артында қалың қол тұр.

«AMANAT» бір сайлаудың немесе бір науқанның партиясы емес. Біз 365 күн бойы, 24 сағат үзіліссіз, тынымсыз жұмыс істеп келеміз. Біз халыққа жақындай бастадық. Біз кабинеттерден шығып, адамдармен – зауыттарда, базарларда, аулаларда және ауылдарда ашық сөйлесеміз. Біз күн сайын адамдардың проблемалары мен қажеттіліктерімен өмір сүреміз және оларды шешу үшін жауапкершілікті өз мойнымызға алуға дайынбыз», - деп нақтылады ол.

Партия мүшелері соңғы бір жылдың өзінде өңірлерде, ауыл-аймақта мыңдаған кездесу өткізді. Соның нәтижесінде тұрғындардан 200 мыңнан астам талап-тілек пен ұсыныс жиналған.