Брюссельдегі метростанцияда пышақпен шабуыл жасалды, жараланғандар бар

Дүйсенбі күні кешке Брюссельдің еуропалық кварталындағы «Шуман» метростанциясында пышақпен шабуыл жасалды. Соның салдарынан әйел мен екі ер адам жарақат алды, олардың бірі ауыр халде жатыр, деп хабарлай Azattyq Ruhy агенттігі Euronews-ке сілтеме жасап.

Брюссель мэрі Филипп Клоздың айтуынша, қаскүнемді полиция жедел ұстады. 30 жастағы ер адамды полиция бұрыннан білетін болып шықты.

Оқиғадан кейін метростанция жолаушылар үшін жабылды. Ол Еурокомиссия ғимаратының астында, Еуро кеңесінің жанында орналасқан.

«Метрода пышақ ұстаған адам жүрді. Менің түсінуімше, ол әйелді жұлқылап жіберіп, содан кейін бізге шабуыл жасағысы келді. Бірақ шын мәнінде, ол біздің метродан шығып, полицияны күткенімізді қалаған сияқты», - дейді куәгерлер.

«Полицейлер келген кезде мен де сол жерде болдым. Олар қару ұстап дайын тұрды. Ер адам телефонмен сөйлесіп, не болғанын түсіндірді. Содан кейін полицейлер дауыстап бізден ол жерден тезірек кетуімізді сұрады», - дейді тағы бір куәгер.

Тәртіп сақшылары мен медициналық бригадалар шұғыл түрде ТЖ орнына келді. Бірақ бірінші болып дабыл қағып, өрт сөндірушілер жедел жәрдем шақырды.

Брюссель полициясы бұл оқиғаны террорлық шабуыл деп қарастырып отырған жоқ.