Бүгін еліміздің кей өңірінде қар жауып, тұман түседі

Синоптиктер 30 қаңтарға арналған ауа райы болжамын жариялады, деп хабарлайды Azattyq Ruhy.

«Еліміздің басым бөлігі антициклон ықпалында болатындықтан көбінесе жауын-шашынсыз ауа райы сақталады. Тек солтүстік өңірлерде солтүстік циклон жырасына байланысты аздаған қар жауады», - делінген «Қазгидромет» хабарламасында.

Республиканың батысында, солтүстік-батысында, оңтүстігінде, оңтүстік-шығысында тұман түседі.

Астанада жауын-шашынсыз ауа райы болады, жел секундына 3-8 метрге жетеді. Күндіз -12-14, түнде -20-22°С болады.

Алматыда да жауын-шашын күтілмейді, жел секундына 0-5 метрге жетеді. Күндіз 0+2, түнде -7-9°С болады.

Шымкентте де жауын-шашынсыз ауа райы болады, жел секундына 3-8 метрге жетеді. Күндіз +7+9, түнде -6-8°С болады.