Риддерде баласын үшінші қабаттан құлатқан әйел ата-ана құқығынан айырылуы мүмкін

Риддер қаласында екі жасар баласын үшінші қабаттағы пәтердің балконынан құлатып алған әйел әкімшілік жауапкершілікке тартылды, деп хабарлайды Azattyq Rýhy.

Ішімдік ішкен әйел баланы қолына ұстап, құлыптаулы тұрған пәтерінен балкон арқылы шықпақшы болған. Бала ауруханаға жеткізілді, дәрігерлердің айтуынша денсаулығына еш қауіп жоқ.

«Әйелге қатысты ҚР әкімшілік құқық бұзушылық туралы кодекстің 127-бабы бойынша «Кәмелетке толмаған баланы тәрбиелеу жөніндегі міндеттерді орындамау» бойынша әкімшілік хаттама жасалды. Материал кәмелетке толмағандардың құқығын қорғау жөніндегі комиссияға ата-ана құқығынан айыру туралы өтінішхатпен беріледі», - деп көрсетті ШҚО полиция департаменті.