Украинадағы соғысқа байланысты бес миллионнан астам бала оқуын тоқтатты – ЮНИСЕФ

Халықаралық білім беру күнінде ЮНИСЕФ тағы да дабыл қақты. Украинадағы соғысқа байланысты бес миллионнан астам бала оқуын тоқтатты. Көптеген ата-аналар қауіпсіздік мақсатында балаларды мектепке жіберуден бас тартады. Электр қуатының үзілуіне байланысты онлайн оқыту кейде мүмкін емес, деп хабарлайды Azattyq Rýhy Euronews-ке сілтеме жасап.

Украинадан тыс жерлерде де қиын жағдай. Үш босқын баланың екеуі оларды қабылдайтын елде оқымайды.

«Кідірту» түймесі жоқ. Бүкіл ұрпақтың болашағына қауіп төндірмей, балалардың білімін кейінге қалдыру және басқа да басым міндеттерді шешкеннен кейін оған қайта оралу мүмкін емес», - деп атап өтті ЮНИСЕФ-тің Еуропа және Орталық Азия бойынша өңірлік директоры Афшан Хан.

Украинада мыңдаған оқу орындары қирады, бүлінді. ЮНИСЕФ азаматтық нысандарға, соның ішінде балалар мен отбасылардың өмірі тәуелді энергетикалық инфрақұрылымға жасалған шабуылдарды тоқтатуға шақырды.

ЮНИСЕФ босқындарды қабылдайтын елдерден украиндық балаларды барлық деңгейдегі ұлттық білім беру жүйелеріне біріктіруге басымдық беруді сұрайды. Халықаралық қауымдастықтан ұйым Украинада да, босқындарды қабылдайтын мемлекеттерде де балаларды оқыту мүмкіндігін қамтамасыз ету тұрғысынан қолдауды күшейтуді талап етеді.