Қызылордада жаңажылдық шырша өртеніп кетті

Қызылорда қаласына қарасты Тасбөгет кентінде орнатылған жаңажылдық шырша өртеніп кетті, деп хабарлайды Azattyq Ruhy.

112 құтқару қызметіне 1 қаңтарда сағат 2.01-де қала іргесінде орналасқан Тасбөгет кентінде жаңажылдық шырша жанып жатқаны жөнінде хабарлама түсті.

«Аталған шақырту бойынша №4 өрт сөндіру бөлімінен 7 қызметкер 1 техникамен оқиға орнына барды. Өрт 2.07-де оқшауланып, 2.08-де толық сөндірілді. Шығын мөлшері анықталуда», - деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.