Қазақстандықтардың несие алуы бір жылда 30 пайызға өскен

2022 жылдың басынан бері жеке тұлғалардың рәсімдеген несиесі 29,4%-ға көбейген. Бұған ипотекалық кредиттеудің 2,1%-ға (4,5 трлн теңге), сондай-ақ тұтынушылық қарыздардың 4,4%-ға (7,6 трлн теңге) дейін өсуі себеп болды. Бұл туралы ҚР Қаржы нарығын реттеу және дамыту агенттігі мәлімдеді, деп хабарлайды Azattyq Ruhy.

Агенттік, 2022 жылғы қарашада бизнес субъектілеріне 1,2 трлн теңге сомаға жаңа қарыздар берілгенін хабарлады. Жыл басынан бері бизнеске 11,2 трлн теңге сомаға несие рәсімдеген. Бұл 2021 жылдың сәйкес кезеңімен салыстырғанда 7,4%-ға артық (10,5 трлн теңге).

Салалар бойынша заңды тұлғаларға берілген кредиттердің негізгі үлесі өнеркәсіпке (34,7%), саудаға (21,5%), құрылысқа (7,5%) және көлікке (6,2%) тиесілі.

Ал 90 күннен астам мерзімі өткен берешегі бар қарыздардың (NPL90+) көлемі жалпы несие портфелінің 3,6%-ын немесе 850 млрд теңгені құрап отыр.