Атырауда үйде газ жарылып, ерлі-зайыптылар ауыр жарақат алды

Атырауда үйде газ жарылып, ерлі-зайыптылар ауыр жарақат алды, деп хабарлайды Azattyq Ruhy.

«17 желтоқсанда сағат 6:06 шамасында Атырау қаласы, Жұлдыз мөлтек ауданы 21 көшеде тұрғын үйлердің бірінде жарылыс болғаны туралы шақырту түсті. Атырау облысы ТЖД қызметкерлері шақыру орнына жеткен кезде жалпы ауданы 50 шаршы метр болатын уақытша тұрғын үйде газды - ауа қоспасының салдарынан жарылыс болғанын анықтады», - деп көрсетті Атырау облысы ТЖД қоғаммен байланыс тобы.

Жарылыстан үйдің шатыры құлап, тұрмыстық заттар мен үйдің керме төбесі өртенген.  Өрт салдарынан үй иесі мен оның әйелі 3-4 дәрежелі күйікпен облыстық ауруханаға жеткізілді.

«Өрт 7:00 сағатта жойылды. Оны сөндіруге Атырау облысы ТЖД 9 қызметкері мен 2 бірлік техникасы жұмылдырылды», - деп хабарлайды  ведомствоның баспасөз қызметі.