Перу: экс-президенттің қамауда қалуы наразылықтардың жаңа толқынын тудырды

Перудің бұрынғы президентінің жақтастары төтенше жағдайға қарамастан көшеге шықты.

Елдің Жоғарғы Соты бір күн бұрын Педро Кастильоны бүлік ісі бойынша 18 айға соттаған болатын. Сот егер экс-президент бостандықта қалса, Мексикамен саяси баспана алу мүмкіндігін талқылауға байланысты оның қашып кету қаупі жоғары деп есептейтінін мәлім етті.

Желтоқсан айының басында Кастильо қамауға алынғаннан кейін басталған жаппай наразылықтар жеті адамның өмірін қиып, елдің көптеген провинцияларында коменданттық сағат күшейтілді.

Дина Болуарте билікке келгеннен кейін наразылық, әсіресе ауылдағы Кастильо сайлаушыларының арасында өсті. Наразылық білдірушілер мерзімінен бұрын президенттік сайлау өткізуді және парламентті таратуды талап етеді.

Педро Кастильо 2021 жылдың маусымынан бастап қызмет атқарды. 2022 жылдың 7 желтоқсанында оны полиция әйелі және балаларымен бірге ұстады.

Осыдан біраз уақыт бұрын парламентшілер оған елдегі ауқымды саяси өзгерістер туралы жариялап, жаңа төтенше үкімет шақырғаннан кейін импичмент жариялады.