Атырауда 13 автобус арнайы тұраққа қойылды

Атырау облысында «Автобус» жедел-алдын алу іс -шарасы өтті. Басты мақсат жүргізушілердің назарын жол қозғалысы ережелерін сақтау,жолаушылар тасымалы мен қауіпсіздігін арттыру қажеттілігіне аудару болды, деп хабарлайды Azattyq Ruhy.

Облыс департаменті хабарлағандай, іс-шара кезінде, яғни 5-11 желтоқсан аралығында автобус және такси жүргізушілеріне қатысты 1214 құқық бұзушылық анықталды.

Оның ішінде:

• көлік құралын рұқсатсыз жабдықтаған-33;
• заңсыз жолаушы тасмалымен айналысқан-4;
• демалу режимін бұзған-7;
• техникалық талаптарды бұзу-169;
• рейс алдында техникалық және медициналық тексерістен өтпеу-23;
• көлік құралын ұялы телефон қолдана басқару-114;
• жылдамдықты шамадан тыс асырған-148 ;
• маневр қағидасын бұзу-136;
• жолдың қарсы бағытына шығып кеткен 3 жүргізуші анықталды.

Сонымен қатар арнайы тұраққа 13 автобус қойылып, 27 қоғамдық көліктің техникалық талаптарға сай келмеуінен және көлік құралын басқарудан шеттету бойынша мемлекеттік белгілері түсірілді.

Сондай-ақ, автобустарда өрт қауіпсіздігін артыру мақсатында 1560 автобустардың жылыту жүйелері тексерілді.