Екібастұзда зардап шеккен барлық үйге жылу берілді – Үкімет

Azattyq Rýhy

Энергия көзі штаттық режимде жұмыс істеп тұр

Екібастұзда зардап шеккен барлық үйге жылу берілді – Үкімет
Фото: ашық дереккөзден

Жедел штаб басшысы-Премьер-министрдің бірінші орынбасары Роман Склярдың айтуынша, 7 желтоқсан күні сағат 08:00-дегі жағдай бойынша барлық зардап шеккен үйлерге жылу берілді, деп хабарлайды Azattyq Ruhy Үкіметтің баспасөз қызметіне сілтеме жасап.

«Желілік судың параметрлері: қысымы 8,8 кг/см2, түзу бағытта 83 градус, түзу және кері бағытта 56 градусты құрайды. Энергия көзі штаттық режимде жұмыс істеп тұр. Екібастұз ЖЭО қаладағы жылумен қамтуды қалыпқа келтіру үшін барлық күштерді жұмылдырып жатыр», - деді Роман Скляр. 

Белгілі болғандай, соңғы күндері болған оқиғалар салдарынан гидравликалық режимнің теңгерімсіздігі, соның ішінде тұтынушылар мен ПИК-тердің жылу тасымалдағыштағы суды рұқсатсыз ағызуы бар жұмысты қиындатқан.

«Барлық тұрғындарға шыдамдылық танытқаны үшін алғыс білдіреміз және алдағы 2-3 күнде бірлескен күш-жігердің арқасында жылумен қамту толығымен қалпына келеді деп ойлаймыз», - деп атап өтті Р. Скляр.

Естеріңізге сала кетейік, Екібастұзда барлығы 689 көпқабатты үй бар. Жөндеу-қалпына келтіру жұмыстарына 851 адам жұмылдырылды.

Төменде Екібастұз қаласында жылумен жабдықтауды қалпына келтіру туралы жедел штабтың мәліметтері берілген.

×
Бұл желілік ресурстың ақпараттық өнімдері 18 жастан асқан адамдарға арналған.