Президенттікке кандидат Мейрам Қажыкен сайлауда дауыс берді

Қазақстан президенттігіне кандидат Мейрам Қажыкен сайлауда дауыс берді, деп хабарлайды Azattyq Ruhy.

Ол кезектен тыс сайлауда дауыс беру үшін Астана қаласындағы №66 мектеп-лицейде орналасқан №113 сайлау учаскесіне сағат 11:04-те келді.

Мейрам Қажыкен дауыс беруге әйелі мен қызын ертіп келді.

Айта кетсек, бүгін, 20 қарашада Қазақстанда кезектен тыс президент сайлауы өтіп жатыр.

Орталық сайлау комиссиясы Қазақстан президенттігіне алты кандидатты тіркеді:

- Қасым-Жомарт Тоқаев – «AMANAT», «Ақ жол» партияларынан және Қазақстан халық партиясынан;

- Жигули Дайрабаев – «Ауыл» халықтық-демократиялық патриоттық партиясынан;

- Қарақат Әбден – «Кәсіби әлеуметтік қызметкерлердің ұлттық альянсы» республикалық қоғамдық бірлестігінен;

- Салтанат Тұрсынбеков – «Қазақ аналары – дәстүрге жол» республикалық қоғамдық бірлестігінен;

- Мейрам Қажыкен – «Аманат» республикалық кәсіподақтар бірлестігінен;

- Нұрлан Әуесбаев – оппозициялық Жалпыұлттық социал-демократиялық партиясынан (ЖСДП).