Украинадағы соғыста Ресейде сотталған Замбиядан келген студент қаза тапты

Әсел Оршыбекова

23 жастағы студент 22 қыркүйекте Украинада соғыс алаңында болған

Украинадағы соғыста Ресейде сотталған Замбиядан келген студент қаза тапты
Фото: dialog.ua

Замбия Сыртқы істер министрлігі Украинадағы соғыста бұған дейін Ресейде сотталған замбиялық азаматтың қайтыс болғанын мәлімдеді, деп хабарлайды Azattyq Ruhy.

BBC Russian ақпараттық агенттігінің жазуынша, Украинадағы соғыста шетел азаматының көз жұмуы бірінші рет болған жағдай.

Замбия Сыртқы істер министрінің айтуынша, 23 жастағы студент Лемеха ни Натан Ньиренда 22 қыркүйекте Украинада соғыс алаңында қаза болған.

«Оның денесі қазір Ростов-на-Донуға жеткізілді, жақын арада Замбияға жіберіледі», - деп хабарлайды Замбия СІМ.

Замбия СІМ студенттің нақты қандай қылмыстар үшін сотталғанын жарияламады, тек оның 2020 жылдың сәуірінде 9,5 жылға бас бостандығынан айырылғаны белгілі болды.

Бұған дейін Ньиренда Мәскеу инженерлік-физикалық институтында (МИФИ) ядролық қондырғыларды жобалауды оқыған.

«Осы оқиған өте қайғылы салдарына байланысты Замбия Үкіметі Ресей билігінен Мәскеуде түрмеде отырған Замбия азаматы Украинадағы соғысқа тартылып, содан кейін қайтыс болған жағдайлар туралы шұғыл ақпарат беруді талап етті», - деді Какубо мәлімдемесінде.

Бұған дейін көптеген бұқаралық ақпарат құралы, соның ішінде ВВС-дің Ресейдегі қызметінің тілшілері хабарлағандай, «ЧВК Вагнера» телеграм-каналының негізін қалаушы Евгений Пригожин Ресей түрмелеріндегі тұтқындарды Украинаға соғысуға жеке өзі үгіттеген.

Соғысқа қабылданған ресейлік тұтқындардың қатарында Евгений Нужин де болған, оның қатыгездікпен өлім жазасына кесілген видеосын демалыс күндері «ЧВК Вагнераға» байланысты телеграм-каналдардың бірі жариялады.

×
Бұл желілік ресурстың ақпараттық өнімдері 18 жастан асқан адамдарға арналған.