Бүгін Қазақстанның басым аумағында жаңбыр, кей өңірде қар жауады

Синоптиктер 15 қарашаға арналған ауа райы болжамын жариялады, деп хабарлайды Azattyq Ruhy.

«Қазақстанның басым аумағы әлі де атлантикалық циклон ықпалында болатындықтан, елімізде жауын-шашын (жаңбыр, қар), солтүстік-батысында, орталығында, оңтүстігінде, оңтүстік-шығысында қатты жауын-шашын (жаңбыр, қар) жауады. Сондай-ақ көктайғақ, бұрқасын болып, жел күшейеді, еліміздің орталығында, оңтүстік-шысында жылдамдығы 30 м/с қатты жел соғады. Солтүстік-батыс, оңтүстік-шығыс өңірлерде тұман түседі», - делінген «Қазгидромет» хабарламасында.

Қарағанды облысының басым бөлігінде, Жамбыл облысының оңтүсік-батысында, солтүстік-шығысында және таулы аудандарында оңтүстік-батыстан соғатын жел екпіні 30 м/с жетеді және одан қатты соғуы мүмкін.

Қостанай облысының шығысында, Түркістан облысының таулы аудандарында, Жамбыл облысының солтүстігінде, оңтүстігінде және таулы аудандарында, түнде және таңертең Қарағанды облысының солтүстік жартысында қатты жауын-шашын (жаңбыр, қар) жауады.

Астанада ауа райы көшпелі бұлтты, жауын-шашын (негізінен қар), көктайғақ, бұрқасын болады. Оңтүстік-батыстан соғатын жел батыстан 9-14, екпіні 17-22 м/с жетеді. Түнде және күндіз ауа температурасы шамамен 0 градус болуы мүмкін.

Алматыда көшпелі бұлт шығады, күндіз жаңбыр жауады. Жел секундына 2-7 метрге жетеді. Ауа температурасы түнде 0+2, күндіз +8+10 градус болады.

Шымкентте күн бұлтты, таңертең және күндіз қатты жауын-шашын болады (негізінен жаңбыр жауады). Батыстан соғатын желдің күші 8-13, екпіні секундына 15-20 метрге жетеді. Ауа температурасы түнде +2+4, күндіз +6+8 градус болады.