Митинг елордада өтті
Президенттікке кандидат Нұрлан Әуесбаев Астанада қалалардың тығыздалуына қарсы өткен бейбіт шеруге қатысты, деп хабарлайды Azattyq Ruhy.
Ол жақын болашақта қазақстандықтар үшін бұл мәселе жаһандық сипат алуы мүмкін деп есептейді.
«Билік құрылыс компанияларына ерік беріп, өздері үшін сағаттық бомбалар қойды. Қала құрылысы саласындағы ойланбай жүргізілген саясаттың салдарынан мектеп, балабақша, медициналық мекемелер тапшылығы байқалуда. Мұның бәрі әлеуметтік шиеленістің күшеюіне әкеледі. Әкімдер әзірге құрылыс салушылардың лоббиі белгілейтін шешімдері үшін толық жауапты болуы керек», - деді Нұрлан Әуесбаев.
Еске салсақ, елімізде 20 қараша күні кезектен тыс президент сайлауы өтеді. Сайлауға бас-ағы 6 үміткер түседі.