Еліміздің алты облысында ескерту жарияланды

«Қазгидромет» РМК еліміздің алты облысында ескерту жариялады, - деп хабарлайды Azattyq Ruhy.

Түнде және таңертең Жетісу облысының таулы аудандарында тұман түседі. Солтүстік-шығыстан жел соғып, Алакөл аумағында екпіні 17-22 м/с-ке жетеді.

Ақмола облысының солтүстігінде, шығысында тұман түседі.

Түнде және таңертең Маңғыстау облысының солтүстігінде, оңтүстік-батысында, орталығында тұман түсуі ықтимал.

Батыс Қазақстан облысының солтүстігінде тұман түсуі мүмкін.

Түркістан облысының таулы аудандарында тұман түседі. Оңтүстік-шығыстан жел соғып, жылдамдығы тау асуларында 15-20 м/с болады.

Шығыс Қазақстан облысының солтүстігінде, шығысында, оңтүстігінде көктайғақ, боран болады.