Қазақстанда дзюдошыларды даярлау жүйесі өзгереді

Azattyq Rýhy

2024 жылғы XXXIII жазғы Олимпиадға дайындау жоспары және жаңа әдістеме жобасы таныстырылды

Қазақстанда дзюдошыларды даярлау жүйесі өзгереді
Фото: ашық дереккөзден

Дзюдодан жастар және жасөспірімдер құрамалары енді негізгі ұлттық құрамамен бір алаңда жаттығатын болады, деп хабарлайды Azattyq Ruhy.

Дзюдо бойынша федерация мен жаттықтырушылар штабы Мәдениет және спорт министрі Дәурен Абаевқа Ұлттық құрама мүшелерін алдағы халықаралық жарыстарға, оның ішінде 2024 жылғы XXXIII жазғы Олимпиадаға дайындау жоспарын және жаңа әдістеме жобасын таныстырды.

Алдағы уақытта жас дзюдошылар негізгі құрамамен және әлемнің үздік дзюдошыларымен бірлесіп оқу-жаттығу жиындарына да қатысатын болады. Сонымен қатар, оларды халықаралық деңгейдегі жарыстарға қатысуға іріктеу критерийлері де қайта қаралады. Бұл болашақ олимпиадашыларды даярлау процесін күшейтуге мүмкіндік береді.

«Үлкен жұмыс жүргізіліп жатыр, көптеген процестер қайта қаралып, өзгереді. Мұның бәрі нақты алдағы Олимпиада ойындарында оң нәтиже беруі керек. Сондықтан бұл мәселеде біз бәріміз жауаптымыз», - деді Дәурен Абаев.

×
Бұл желілік ресурстың ақпараттық өнімдері 18 жастан асқан адамдарға арналған.