Атырау облысында 2 тоннаға жуық заңсыз балық аулағандар ұсталды
Елімізде «Бекіре-2022» жедел-профилактикалық шарасы жүргізіліп жатыр
Атырау облысының Құрманғазы ауданында 2 тоннаға жуық заңсыз балық аулағандар ұсталды, деп хабарлайды Azattyq Ruhy.
Атырау облысы полиция департаментінің Балық қорына қылмыстық қол сұғушылыққа қарсы іс-қимыл бөлімі мен Құрманғазы аудандық полиция бөлімінің қызметкерлері «Бекіре-2022» жедел-профилактикалық іс-шарасын жүргізді.
Шара барысында Құрманғазы ауданы Шарон өзені жағасынан 2 қайық тоқтатылып, тексеру кезінде 1 тонна 400 кг сазан мен көксерке тбалыды. Сондай-ақ, Құрманғазы ауданы Шора өзені жағасынан 1988 жылы және 1989 жылы туған аудан тұрғындары мінген қайықты тексеру кезінде 300 кг балық тәркіленді.
«Аталған деректер бойынша Құрманғазы ауданының Полиция бөлімімен ҚҚ-тің 335 –бабының 3-бөлігімен сотқа дейінгі тергеп-тексеру жүргізілуде», - деп көрсетті Атырау облыстық полиция департаменті.
