Тек батыс өңірлерде жаңбыр жаууы мүмкін
Синоптиктер 14 қазанға арналған ауа райы болжамын жариялады, деп хабарлайды Azattyq Ruhy.
«Қазақстанның басым бөлігіне антициклон ықпал ететіндіктен, жауын-шашынсыз ауа райы сақталады. Тек еліміздің батыс аймақтарында Қара теңіз аудандарынан келетін циклон анықтайтындықтан, жаңбыр жаууы мүмкін», - делінген «Қазгидромет» хабарламасында.
Республиканың солтүстік-батысында, солтүстігінде, оңтүстік-шығысында жел күшейеді, батысында тұман түседі.
Түнде Жамбыл облысының таулы аудандарында 3 градус үсік сақталады.
Астанада жауын-шашынсыз, күн бұлтты болады. Күндіз жел секундына 5-10 метрден соғады. Күндіз +17+19, түнде +4+6 градус болады.
Алматыда күн бұлтты, жауын-шашынсыз, жел секундына 2-7 метр жетеді. Күндіз +20+22, түнде +7+9 градус болады.
Шымкентте де ауа райы аздап бұлтты, жауын-шашынсыз болады, жел жылдамдығы 8-13 м/с жетеді. Күндіз +25+27, түнде +7+9 градус болады.