Бұл ақпаратты Ресей Федерациясының вице-премьері Александр Новак растады
ОПЕК+ елдері мұнай өндіруді тәулігіне 2 миллион баррельге қысқартуға дауыс берді. Бұл туралы Bloomberg хабарлады.
«ОПЕК+ әлемдік экономиканың әлсіреуінен туындаған мұнай бағасының төмендеуін тоқтатуға тырысып, өндірудің жалпы лимитін тәулігіне 2 миллион баррельге қысқартуға келісті», - делінген материалда.
Бұл ақпаратты Ресей Федерациясының вице-премьері Александр Новак растады.
Бір күн бұрын мұнай өндірісінің азаюы қарашадағы АҚШ Конгресінің аралық сайлауы кезінде демократтарға кері әсерін тигізуі мүмкін деп хабарланды.
Ақ үй басшысы Сауд Арабиясының князі Мұхаммед ибн Салман Аль Саудты жанармай бағасының өсуіне байланысты көбірек мұнай өндіруге көндіре алмағаны атап өтілді.
3 қазанда Венадағы кездесуде ОПЕК+ мұнай өндіруді тәулігіне 1 миллион баррельге қысқартуды талқылайтыны хабарланды.
Бұған дейін, 9 қыркүйекте Сауд Арабиясының Ұлттық мұнай компаниясы Saudi Aramco АҚШ-тан басқа барлық аймақтардан сатып алушылар үшін мұнай бағасы төмендейтінін мәлімдеді. Атап айтқанда, Солтүстік-Батыс Еуропа мен Жерорта теңізі елдерінің клиенттері үшін Сауд мұнайының барлық маркаларының бағасы барреліне 2 долларға төмендейді.