Қырғызстан президенті халқына үндеу жасады

Қырғызстан президенті Садыр Жапаров Баткен облысындағы қырғыз-тәжік шекарасындағы қақтығысқа қатысты түсініктеме берді. Бұл туралы ол өзінің әлеуметтік желідегі парақшасында жазды, деп хабарлайды Azattyq Rýhy Sputnik Қырғызстан сайтына сілтеме жасап.

Қырғыз елінің басшысы ұрыс кезінде қаза тапқан әскери қызметшілердің туыстары мен жақындарына көңіл айтты.

"Олар қасиетті парызды орындау кезінде қайтыс болды. Отанымыздың шекарасын сақтап, бір метр жерді де бермеу үшін күресті", - деп жазды Жапаров.

Ол шекарашыларға көрсеткен ерлігі үшін алғыс айтып, жедел ақпарат бойынша тәжік тарапы да үлкен шығындарға ұшырағанын атап өтті.

"Шекара мәселесі шешілген жоқ, сондықтан қақтығыстар орын алуда. Біз ата-бабаларымыздан қалған бір метр жерді де бермейміз. Ұлттық мүддемізді берік қорғайтын боламыз", - деді президент.

Ол Өзбекстанмен шекара мәселелері іс жүзінде шешілгенін, ал Тәжікстанмен күн тәртібінде тұрғанын еске салды.

"Тарих көрсеткендей, шекара мәселесі шыдамдылық пен мұқият қарауды қажет етеді. Бұл күрделі процесс. Бірақ Қырғызстан бұл мәселені тезірек шешуге тырысуда", - деп қорытындылады Қырғызстан президенті.