Елордадағы Сарайшық көпірінде қазан айының соңына дейін көлік қозғалысы ішінара жабылады
16 қыркүйектен бастап көпірдің екінші жағында жөндеу жұмыстары жүргізіледі
Көлік және жол-көлік инфрақұрылымын дамыту басқармасы Сарайшық көпірінде қазан айының соңына дейін көлік қозғалысы ішінара жабылатынын ескертті, деп хабарлайды Azattyq Ruhy.
Елордада Сарайшық көпірінде жөндеу жұмыстары жалғасуда. Бұрын көпірде темірбетон плитасының (тесік) бетонды сілтісіздендіру түріндегі ақаулар табылған. Автомобиль көпірінің бір бөлігінде жөндеу жұмыстары аяқталды.
16 қыркүйектен қазан айының соңына дейін көпірдің екінші жағында жөндеу жұмыстары жүргізіледі. Осыған байланысты Р. Қошқарбаев даңғылынан бастап Мәңгілік Ел даңғылы мен Сарайшық көшесінің қиылысындағы көлік айырымына дейінгі учаскеде автокөлік құралдары үшін қозғалыс ішінара жабылатын болады.
Көпір арқылы жүруге қолайсыздық тудырмау үшін екі жаққа да қозғалыс сақталған.
