Шымкентте 8 мың тонна мазут заңсыз сатылғаны анықталды

ҚМА Шымкент қаласы бойынша департамент қызметкерлері 1,1 млрд теңгеден астам сомаға 8 мың тоннаға жуық мазуттың заңсыз сатылғанын анықтады. Бұл туралы Azattyq Ruhy ведомствоның баспасөз қызметіне сілтеме жасап хабарлайды.

Осылайша, екі кәсіпкер белгісіз тұлғалардан мазут сатып алып, әрі қарай шығу заңдылығын растайтын құжаттарсыз түрлі компанияларға мазутты заңсыз өткізген.

«Сот үкімімен аталған тұлғалар кінәлі деп танылып, 2 жыл 8 ай мерзімге бас бостандығынан айыру жазасы тағайындалды», - делінген хабарламада.