Аманаттықтар Қостанай облысындағы өрттен зардап шеккендерге бір күндік жалақысын аударады
Қазіргі уақытта еліміздің түкпір-түкпірінен гуманитарлық көмек жөнелтіліп жатыр
«AMANAT» партиясы Орталық аппаратының ұжымы Қостанай облысындағы табиғи өрттерден зардап шеккен тұрғындарға көмек көрсету қорына бір күндік жалақысын аударады, деп хабарлайды Azattyq Ruhy.
Қазіргі уақытта еліміздің түкпір-түкпірінен азық-түлік, жеке тазалық заттары, киім-кешек, төсек-орын, сондай-ақ қажетті дәрі-дәрмектер мен медициналық бұйымдар тиелген жүк көліктері жөнелтіліп жатыр.
Тақырыпқа орай: «AMANAT» жөнелткен алғашқы гуманитарлық көмек Әулиекөл ауданына жетті
Еске сала кетейік, бүкіл еліміз бойынша партияның аймақтық филиалдары жанынан кешеден бері гуманитарлық көмек қабылдау пункттері ашылды. Олардың жұмысына «Жастар Рухы» жастар қанатының мыңнан астам еріктілері жұмылдырылды.
