Оқу бағдарламалары да жаңартылмақ
Мемлекет басшысы Жолдауда жаратылыстану-математика және тіл пәндеріне басымдық беруді тапсырған болатын. Осы орайда бүгінгі ҚР Үкіметінің отырысында Білім министрі Асхат Аймағамбетов мектептегі бірқатар пәндерді оқыту сағаттары ұзаратынын атап өтті, деп хабарлайды Azattyq Rýhy.
«Математика, физика, химия, биология пәндерін оқыту сағаттары артады. Оқу бағдарламалары жаңартылады. 2024 жылдан бастап халықаралық тәжірибеге сәйкес, 3-сыныпта ағылшын тілін оқыту бойынша сағаттар санын ұлғайту және қазақ, орыс тілдерін меңгеру үшін қажетті оқу жүктемесін қамтамасыз ету жөнінде шаралар қабылданатын болады», - деді министр Асхат Аймағамбетов.