Ақтөбеде Toyota Land Cruiser Prado жүргізушісі жаяу жүргіншіні қағып кетті

Өңірде жыл басынан бері 101 жол-көлік оқиғасы болды

Фото ашық дереккөзден

Ақтөбеде Toyota Land Cruiser Prado жүргізушісі жаяу жүргіншіні қағып кетті, деп хабарлайды Polisia.kz.

Кеше түнде Toyota Land Cruiser Prado көлігінің жүргізушісі К.Нокин даңғылы мен Жанқожа батыр көшесінің қиылысында жаяу жүргіншіні қағып кетті, салдарынан ол қаза тапты.

Мұндай оқиғаның алдын алу үшін жүргізушілер мен жаяу жүргіншілер жол қауіпсіздігінің қарапайым ережелерін сақтауы қажет.

Айта кетейік, жыл басынан бері Ақтөбе облысының аумағында 101 ЖКО болды. Жол-көлік оқиғасы салдарынан 7 адам қаза тауып, 97 адам зардап шекті. Жол қозғалысына қатысушылардың барлығының қауіпсіздігінің кепілі – жол қозғалысы ережелерін мүлтіксіз сақтау.

Мақалада

#Ақтөбе облысы #жол апаты #адам қағу

Алдыңғы жаңалық

Үкімет дағдарыс жағдайында кей құқықтық актілерді Парламенттің келісімінсіз қабылдауға құқылы – Әділет министрлігі