Шымкентте көпқабатты тұрғын үйден өрт шықты
Өрттің шығу себептері анықталуда
Шымкентте көпқабатты тұрғын үйден өрт шықты, деп хабарлайды Azattyq Rýhy Шымкент қаласы Төтенше жағдайлар департаментінің қоғаммен байланыс тобына сілтеме жасап.
Шымкент қаласының Әл-Фараби ауданы Республика даңғылы бойында орналасқан №35 көпқабатты тұрғын үйдің 3 және 4- қабаттарында өртенген.
«Оқиға орнына алғашқы болып жеткен өрт сөндіру бөлімдері 1-ші және 4-қабаттағы үйдің сыртқы пластик қаптамалары мен шатыр жанып жатқанын анықтады. Сонымен бірге үйдің бір пәтердің ішінде 8 ш.м үйдегі заттар өртенген. Өрттің жалпы аумағы 288 ш.м. құрады. Сағат 10.39-да жалын ауыздықталып, 11.48-де өшірілді», - деді № 3 Өрт сөндіру бөлімінің қарауыл бастығы Даулет Шынарбай
Зардап шеккендер мен қайтыс болғандар жоқ. Өрттің шығу себептері анықталуда.
Өрт сөндірушілер 35 адамды қауіпсіз жерге шығарып, екі адамды құтқарды.
