Лос-Анджелеста атыс болып, 6 адам жарақат алды

Жексенбі күні Лос-Анджелестегі барлардың бірінде атыс болды. Соның салдарынан 6 адам жарақат алған. Бұл туралы Azattyq Rýhy Синьхуа агенттігіне сілтеме жасап хабарлайды.

KTLA телекомпаниясының хабарлауынша, Бойл-Хайтс орамындағы Holiday барында жергілікті уақыт бойынша сағат 12:45 шамасында атыс болған.

Куәгерлер келушілердің арасында төбелес болып, бір адам тапаншамен оқ атқанын айтқан. Соның салдарынан 4 ер адам мен 2 әйел жарақат алды, олардың бірінің жағдайы ауыр.

Күдікті қамауға алынды, полиция тергеу амалдарын жүргізіп жатыр.