Павлодарда жоғалған ер адамның достары оның суға батып кеткенін жасырып қалған

Павлодарда еріктілер ер адамды бірнеше күн бойы іздеген, алайда ол суға батып кеткен. Достары марқұмның киім-кешегін тығып, бұл жайлы ешкімге тіс жармаған, деп хабарлайды Azattyq Rýhy Sputnik Қазақстанға сілтеме жасап.

 Павлодарда бір апта бойы із-түзсіз жоғалған ер адамды іздестірген. Оның қалай қайтыс болғаны анықталды. Енді оны іздестіру шаралары суда жалғасады.

13 тамызда 45 жастағы Геннадий Лущай балыққа барған. Бірақ сол күйі үйіне қайтып оралмаған. Бірнеше күннен кейін "Поисковики города Павлодара Vita" қоғамдық ұйымының еріктілері ер адамның суға батып кеткенін мәлімдеді. Ал оның үш досы қайғылы оқиғаны жасырып айтпаған.

Куәгерлер сол күні Генаның үш досымен бірге болғанын көрген. Осыдан кейін еріктілер өз бетінше тексеріс жүргізді.

"Біз тергеуімізді өткізіп, қайғылы жағдайдың болғанын анықтадық. Өкінішке қарай, ер адам суға батып кетті", – дейді еріктілер.

Жоғалған ер адамның достары қайғылы оқиғаның мән-жайын айтты. Сол күні Геннадий өзенге түскен, кенеттен суға басып кетті. Жолдастары қорқып, ешкімге ештеңе айтпаған. Ал киімін гаражға жасырып қойған. Қазір полиция осы мәліметті тексеруге кірісті.