ШҚО-да барлық мектеп бес күндік оқу аптасына көшеді

Шығыс Қазақстан облысында барлық мектеп бес күндік оқу аптасына көшеді. Бұл туралы аймақта өткен жаңа оқу жылына дайындық тақырыбында өткен баспасөз мәслихаты барысында белгілі болды, деп хабарлайды Azattyq Ruhy.

Облыстық білім басқармасы басшысының орынбасары Динара Шаухинаның айтуынша, бұдан былай тсенбі күндері қосымша сабақтар да өткізілмейді.

«Өңірдегі мектептердің барлығы бес күндік оқу аптасына көшеді. Сенбі-жексенбіде балалар да, мұғалімдер демалады. Қосымша сабақтар да өткізілмейді. Менің ойымша, бұл оқу процесінің сапасына, сондай-ақ балалардың денсаулығында да оң әсер етеді», – деп мәлімдеді ШҚО білім басқармасы басшысының орынбасары Динара Шаухина.