Таразда көлік тізгіндеген жасөспірімге айыппұл салынды

Azattyq Rýhy

Әкімшілік құқық бұзушылық жасаған жасөспірімнің ата-анасы 61 мың теңге айыппұл төлейді

Таразда көлік тізгіндеген жасөспірімге айыппұл салынды
фото: 24.kz

Тараз қаласының полиция қызметкерлері көлік тізгіндеген кәмелетке толмаған жасөспірімді ұстады, деп хабарлайды Azattyq Ruhy.

Патрульдік Полиция батальоны қызметкерлері қала аумағын патрульдеу кезінде жолда жүру ережесін бұзған «BMW» маркалы автокөлігі тоқтатқан. Автокөлік жүргізушісінің құжаттарын тексеру барысында көлікті Тараз қаласының 17 жастағы тұрғыны тізгіндегені анықталды.

Толық мән-жайды білу үшін жасөспірімнің ата-анасы полиция бөліміне шақыртылды.

Кәмелетке толмаған жасөспірім ҚР ӘҚБтК-нің 612-бабы 2-бөлігімен (көлік құралын басқару құқығы жоқ адамның басқаруы) әкімшілік жауапкершілікке тартылып, 61260 теңге көлемінде айыппұл салынды.

×
Бұл желілік ресурстың ақпараттық өнімдері 18 жастан асқан адамдарға арналған.