Шамалғанда автобус басып кеткен 1 жасар сәби көз жұмды

Жантүршігерлік оқиға бүгін Қарасай ауданы Шамалған ауылында орын алды

фото: Polisia.kz

Алматы облысында шағын автобус басып кеткен 1 жасар бала көз жұмды, деп хабарлайды Azattyq Ruhy Polisia.kz-ке сілтеме жасап.

Микроавтобусты балаларды балабақшаларға тасымалдаумен айналысатын 69 жастағы ер адам басқарған.

Анасы 1 жасар сәбиімен бірге үлкен ұлын балабақшаға шығарып салу үшін далаға шыққан. Жүргізуші шағын автобусқа тым жақын тұрған сәбиді байқамай, абайсызда басып кеткен.

Қазіргі таңда Қарасай ауданының полиция бөлімінде ҚР ҚК 345-бабы 3-бөлігі (Абайсызда адам өліміне әкеп соққан жол қозғалысы ережелерін бұзу) бойынша қылмыстық іс тіркелді.

Қажетті сараптамалар тағайындалды.

Мақалада

#жол апаты #бала өлімі #көлік жүргізу

Алдыңғы жаңалық

Әкімдіктердің білім грантына құжат қабылдау жүріп жатыр