Астанада «Арыстан» тұрғын үй кешенінен өрт шықты

Астанада «Арыстан» тұрғын үй кешенінен өрт шықты. Бұл туралы Нұр-Сұлтан қалалық Төтенше жағдайлар департаменті мәлім етті, деп хабарлайды Azattyq Rýhy.

Департамент мәліметінше, өрт туралы хабарлама 6 тамыз күні кешкі сағат 20.05-те түскен.

 «6 тамызда сағат 20.05-те Нұр-Сұлтан қаласының ТЖД бөлімшелері Төлебаев көшесі, 6 мекенжайында орналасқан «Арыстан« тұрғын үй кешенінде өрт шыққаны туралы хабарламаға дереу шықты. Шақырту орнына өрт сөндірушілер үш минутта жетті. Өрт сөндіру барысында қойма нысанында 25 шаршы метр алаңда құрылыс материалдары мен пластик бұйымдар жанғаны анықталды. Өрт сөндірушілердің күшімен жалынның таралуы сағат 20.21-де тоқтатылып , 20.32-де толығымен сөндірілді. Қаза болғандар мен зардап шеккендер жоқ», - делінген ТЖД хабарламасында.

Өртті сөндіруге жеке құрамнан 28 адам мен 5 техника жұмылдырылған.