Аса ірі мөлшерде есірткі затын сақтаған Меркі тұрғыны қамауға алынды

Аса ірі мөлшерде есірткі затын сақтаған Меркі ауылының тұрғыны қамауға алынды, деп хабарлайды Azattyq Ruhy.

Жамбыл облысының Полиция департаменті Есірткі қылмысына қарсы іс-қимыл басқармасының қызметкерлері арнайы мақсаттағы жасақпен бірлесіп, «Қарасора-2022» жедел-алдын алу іс-шарасын өткізді.

Соның нәтижесінде 35 жастағы Меркі ауылының тұрғынын ұстады. Тінту кезінде одан 8 келі 190 гр марихуана «канабис өсімдігі» есірткі заты табылған.

Ұсталған азамат кінәсін мойындады, қазір Шу қаласының уақытша ұстау изоляторына қамауға алынды.

«Аталған дерекке қатысты Қазақстан Республикасының Қылмыстық кодексі 296-бабының 4 - бөлігі бойынша «Аса ірі мөлшерде есірткі заттарын заңсыз сақтауға қатысты 3 жылдан 7 жылға дейінгі мерзімге бас бостандығынан айыру жазасы қарастырылады», - деп хабарлады Жамбыл облысының Полиция департаменті Есірткі қылмысына қарсы іс-қимыл басқармасы бастығының орынбасары полиция подполковнигі Д.Қойтөриев.